Við fengum það skemmtilega verkefni að fara í allsherjar endurmörkun með Men&Mice og erum hæstánægð með útkomuna og frábært samstarf við M&M. Markmiðið var að taka merki, ásýnd og allt markaðsefni fyrirtækisins í gegn.

Merkið er nú einfalt og stílhreint. Hringlaga form eru unnin út frá &-merkinu og músin myndast úr samsetningunni. Hringirnir eru einnig tilvísun í vöruna þar sem punktar og tvípunktar einkenna allar IP tölur. Með fókus á form og stílhreina leturútfærslu getur merkið aðlagað sig vel að fjölbreyttum snertiflötum. Það stendur sterkar í allri stafrænni notkun og býður upp á mikinn leik í hreyfingu og uppsetningu. Það er ferskt og nútímalegt og býður jafnframt upp á langlífi vegna einfaldleika.